En nossa biblioteca spetgan tei varga 6000 medias ord tutas spartas. Nus purschin era revistas sco “Geolino”, “Geo” ni “Landliebe”. Ei dat da perscrutar cudischs per mintga scalem da vegliadetgna ord las categorias belletristica, cudischs dil fatg, cudischs auditivs, films, comics, sco era cudischs per romontsch ni engles.
Pils pigns havein Tonies, cudischets da cartun, cudischs per preleger ni era cudischs da maletgs.
Pils lecturs giuvens denter 5 e 10 onns purschin cudischs cun bustabs GRONDS sco era cudischs da differentas serias.
Giuvenils anflan forsa denter ils romans da fantasia, crimis ni cudischs davart differentas tematicas in cudisch preferiu.
Per persunas carschidas havein purschidas specialas en “lungatsch sempel” ni anflan forsa in cudisch che plidenta denter las autobiografias.